Mat: Ikkje grunn til uro for hormon
Historisk arkiv
Publisert under: Regjeringen Bondevik II
Utgiver: Landbruks- og matdepartementet
Pressemelding | Dato: 20.05.2005 | Sist oppdatert: 24.10.2006
Mat: Fleire enn fire av ti nordmenn er uroleg for hormon i maten. Mattilsynet deler ikkje uroa. Gjennom ulike kontrollprogram har dei overvakt desse stoffa sidan midten av 80-talet utan å finne spor av dei. (20.05.2005)
Mat: Ikkje grunn til uro for hormon
Mat:
Fleire enn fire av ti nordmenn seier dei er uroleg for hormon og
andre vekstframande stoff i maten syner ei undersøking MMI har
utført for Mattilsynet.Mattilsynet deler ikkje uroa. Gjennom ulike
kontrollprogram har dei overvakt desse stoffa sidan midten av
80-talet utan å finne spor av dei i maten.
20 år med kontroll
Overvaking av storfe og gris starta i 1985. I 1993
blei overvakinga utvida til også å gjelde småfe, fjørfe og rein.
Kontroll av hormon i fisk blei innlemma i overvakinga i 1999.
Føremålet med det noverande overvakingsprogrammet er å overvake
innhaldet av forbodne stoff, lækjemiddel og forureina stoff i
animalske næringsmiddel og medverke til å sikre at maten ikkje
inneheld restar som kan vere helseskadelege. Etter 20 år med
kontroll er det ikkje gjort funn av hormon og andre vekst
framande stoff.
Mat: 43 prosent seier dei er særs eller ganske urolege for hormon og andre vekstframande stoff i maten. Gjennom ulike kontrollprogram har Mattilsynet overvakt desse stoffa sidan midten av 80-talet utan å finne spor av dei i maten.
20. mai 2005