Utdrag frå olje- og energiminister Einar Steensnæs sin kalender for neste veke:
Statsministeren og statsrådane har normalt følgjande faste postar i sine vekeprogram: regjeringskonferanse på Statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 2. juni
Kl. 09.00 besøker statsråden Kværner Rosenberg i Stavanger. I følgje med statsråden er og partiet sin fylkesleiar i Rogaland, fylkesordførarkandidaten, og KrF sine ordførarkandidatar i Sandnes, Sola og Stavanger. Det vil bli eit fellesmøte med leiinga og klubben, og omvisning på verftet.

Kl. 11.00 vil statsråden og KrF sine representantar møte pressen på Kværner Rosenberg.

Kl.12.00-15.00 besøker statsråden energiselskapet Lyse i Stavanger.

Begge besøka blir arrangert av Rogaland KrF. Kontaktperson for besøket er Olav Eggebø Aanensen, Rogaland KrF, tlf. 51 52 21 28.

Statsråden sin kontaktperson under besøket er Sissel Edvardsen,
på 901 97 382.

Kl 16.00 held stastråden eit foredrag på opninga av 65th EAGE Conference & Exhibition 2 –5 June 2003. EAGE er ei forkorting for European Association of Geoscientists & Engineers, og det er venta at fleire tusen geologar og geofysikarar frå heile verda vil delta på konferansen. Konferansen finn stad i Gunnar Warebergsgate 13 i Stavanger Forum.

For meir informasjon om EAGE, gå til www.eage.nl

Tysdag 3. juni
Frå kl 13.45 til kl 15.15 er statsråden til stades under utdelinga av Abel-prisen i Universitetets Aula. I samanheng med prisutdelinga vil han òg vere i middag i Akershus Slott frå kl 19.00.

Onsdag 4. juni
Kl 14.45 foretar statsråden den offisielle opninga av Havøygavlen vindmøllepark i Havøysund i Finnmark. Anlegget, som ligg 71 grader nord og er verdas nordligaste vindmøllepark, har vore i drift sidan hausten 2002.

Kontaktperson for arrangementet er Kristin Stabel i Norsk Hydro, 952 76 229.
Kontaktperson for statsråden i Havøysund er Lars Nermoen, 990 13 280.

Torsdag 5. juni
Kl 20.00 opnar statsråden Hardanger musikkfest i Lofthus.

Fredag 6. juni
Kl 09.00 held statsråden eit innlegg på konferansen "Man, Water and Cultural heritage" i Tyssedal. Konferansen dreg opp internasjonale perspektiv på menneske og bruk av vatn. Bakgrunnen er 2003 som FN sitt internasjonale år for ferskvatn og UNESCO sitt arbeid med verdsarven. For meir informasjon om konferansen, gå til www.nvim.no