Utdrag frå olje- og energiminister Thorhild Widveys kalender for neste veke:

Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Måndag 24. januar
Olje- og energiminister Thorhild Widvey deltek på den offisielle opninga av Gassnova, innovasjonssenteret for miljøvenleg gassteknologi:

Opningsseremonien tek til kl 14.00 med eit miniseminar om gasskraftverk med CO ²>-handtering og status for teknologiutviklinga.

Kl 16.00 opnar statsminister Kjell Magne Bondevik Gassnova.

Opninga av Gassnova finn stad i Porsgrunn rådhus. Sjå eiga pressemelding: http://odin.dep.no/oed/norsk/aktuelt/pressesenter/pressem/026021-070154/dok-bn.html

Pressekontakt for statsråden i Porsgrunn er Sissel Edvardsen, 901 97 382.

Tysdag 25. januar
Kl 09.10 held statsråden hovudinnlegget på ein russisk-norsk olje- og gasskonferanse. Innlegget har tittelen Oil and Gas Industry of Norway – Prospective of the Further Development and Dialog with Russia.

Intsok arrangerer konferansen, som finn stad på Radisson SAS Atlantic Hotel i Stavanger. Intsok skal fremje internasjonaliseringa av norsk petroleumsretta industri. For meir informasjon; www.intsok.no.

I samband med konferansen skal statsråden òg møte Mr Sergei Oganesyan, direktør i Energy Agency RF. Møtet finn stad kl 10.10.

Kl 12.00 reiser statsråden til Ekofiskfeltet. ConocoPhillips er operatør for Ekofisk, det første feltet som blei påvist og satt i produksjon på norsk sokkel. Det er i år 35 år sidan feltet blei påvist.

Onsdag 26. januar
Kl 09.15 held statsråden innlegg på The Norwegian Petroleum Technology Conference. Statsråden sitt innlegg har tittelen The significance of R&D in the Norwegian petroleum sector.

Konferansen finn stad på Stavanger Forum. For meir informasjon om konferansen, sjå: http://www.offshore.no/ptc/Default.asp

Kl 10.30 har statsråden møte med Stolt Offshore, Verven 4 i Stavanger.

Kl 12.30 besøkjer statsråden Rogalandsforsking. Rogalandsforsking vil mellom anna leggje fram kva for utfordringar dei ser innafor forskingsområdet framover i tillegg til at dei vil presentere aktivitetane sine.

Pressa er velkomen til å vere med på møtet med Rogalandsforsking som finn stad i professor Olav Hansens vei 15 i Stavanger.

Kl 15.20 har statsråden møte med Fabricom, som mellom anna skal presentere sine erfaringar med ulike former for reinsketeknologi for produsert vatn. Dette er viktige teknologiar for å oppfylle målet om nullutslipp til sjø.

Pressa er velkomen til å vere med på møtet som finn stad i Skogstøstraen 25, Stavanger.

Pressekontakt for statsråden i Stavanger er Lars Nermoen, 990 13 280.