(utvida versjon)
Statsministeren og statsrådane har normalt følgjande faste postar i sine vekeprogram: regjeringskonferanse på statsministeren sitt kontor måndag og torsdag kl 12.15, og Statsrådets møte på Slottet fredag kl 11.00.

Veke 9
Deira Majestetar Kongen og Dronninga vil avleggje eit offisielt besøk til USA i perioden 27. februar til 8. mars.

Bakgrunnen for besøket er i fyrste rekkje å markere 100 år med diplomatisk samkvem med USA. Besøket vil omfatte New York, Houston og Washington, og programmet omfattar mellom anne fleire næringslivsarrangement med spesiell vekt på energisektoren og turisme.

Olje- og energiminister Thorhild Widvey er ein av tre statsrådar som deltek i det offisielle følgje til kongeparet.

Tysdag 1. mars – New York
Kl 13.00 deltek statsråd Widvey på ein næringslivslunsj med Innovasjon Noreg og det norskamerikanske handelskammeret. Der kjem statsråden til å dele ut Norwegian American Trade Award 2005. Lunsjen finn stad på Waldorf Astoria.

Onsdag 2. mars –Houston
Intsok arrangerer seminaret 'Oil and gas developments in Arctic and cold regions' i Houston 2. og 3.

Statsråd Widvey er i samarbeid med Intsok vertskap for ein lunsj i samband med seminaret onsdag 2.3. Ho held deretter opningstalen med tittelen 'Arctic and cold regions – prospects and challenges'.

Seminaret finn stad på Houstonian Hotel.

Torsdag 3. mars – Houston
Kl 08.00 vil olje- og energiministeren halde velkomstinnlegget på seminaret Norwegian Offshore Opportunities Forum. Dette er eit seminar for å presentere norsk sokkel for amerikanske selskap som ikkje allereie er til stades i Noreg.

Pressekontakt for statsråden i Houston er Sissel Edvardsen, +47 90 19 73 82.

Fredag 4. mars – Washington DC
Kl 09. 00 skal olje- og energiminister Thorhild Widvey møte den amerikanske energiministeren Samuel Bodman. Dei to kjem mellom anna til å ha samtalar om saker av felles interesse innafor energisektoren. Møtet finn stad i Department of Energy.

Kl 10.00 held stasråden det norske innlegget på det forskingspolitiske seminaret 'Bridging Enhanced Co-operation in Science and Higher Education'.