Statsministeren og statsrådane har normalt desse faste postane i vekeprogrammet: regjeringskonferanse på Statsministerens kontor måndag og torsdag kl. 12.15, og Statsrådet sitt møte på Slottet fredag kl. 11.00.

Onsdag 5. oktober:
Kl. 09.15 tek statsministeren imot nobelprisvinnar og tidlegare president i Polen Lech Walesa, til samtale på Statsministerens kontor. Det er høve til å fotografere.
Kl. 10.00 deltek statsministeren saman med Lech Walesa i ei markering av 25-årsdagen for den polske fagrørsla Solidaritet, på Universitetsbiblioteket på Blindern i Oslo. Arrangørar er Universitetet og den polske ambassaden.

Fredag 7. oktober:
Etter statsrådsmøtet, om lag kl. 11.20, er statsministeren tilgjengeleg på Slottsplassen i Oslo, for kommentar til offentleggjeringa av årets vinnar av Nobels fredspris.
Kl. 14.00 tek statsministeren imot leiaren for Den anglikanske kyrkjefellesskapen, erkebiskop Rowan Williams av Canterbury, på Statsministerens kontor. Det er høve til å fotografere. Williams er i Noreg i høve eit møte mellom nordiske, britiske og baltiske leiande biskopar, i Trondheim 11. oktober.

Laurdag 8. oktober:
Kl. 12.00 opnar statsministeren eit barnearrangement i høve Verdsdagen for psykisk helse 2005, på Youngstorget i Oslo. Arrangør er organisasjonen Vaksne for Barn.