P R E S S E M E L D I N G
Fiskeridepartementet

NR. 9/96, 8. mars 1996

NYE EKSPEDISJONSSJEFAR I FISKERIDEPARTEMENTET

Kirsten Ullbæk Selvig og Anne Birgitte Sveri, er i dag 8. mars, utnemnde til ekspedisjonssjefar i Fiskeridepartementet.

Kirsten Ullbæk Selvig vert ekspedisjonssjef i Avdeling for kystforvalting. Ho er 45 år og har juridisk embetseksamen frå Københavns Universitet. Ho har gjennomgått hovudkurset ved Forsvarets Høgskole. Ullbæk Selvig har bl.a. arbeidd ved Nordisk Institutt for sjørett og i Nordisk Ministerråds sekretariat. Frå 1987 til 1995 var ho tilsett i Finansdepartementet, mesteparten av tida som underdirektør i Petroleumsavdelinga og Skattelovavdelinga. Ho arbeidde særleg med skattespørsmål og andre rammevilkår for oljeindustrien. Sidan mars 1995 har Kirsten Ullbæk Selvig vore underdirektør i Fiskeridepartementet.

Anne Birgitte Sveri vert ekspedisjonssjef i Administrasjonsavdelinga. Ho er 39 år og har sosialøkonomisk embetseksamen frå Universitetet i Oslo. Ho arbeidde i Statistisk Sentralbyrå før ho kom til Utanriksdepartementet i 1984. Der var ho til 1992, siste åra som konst. underdirektør. Hausten 1992 vart Anne Birgitte Sveri leiar for økonomiseksjonen i Stortinget og sidan 1993 har ho vore avdelingsdirektør i Oslo kommune, Plan- og bygningsetaten.

Kontaktperson:

Informasjonssjef Bjarne Myrstad 22 24 64 09