Regulering av hysefisket i 1997
Historisk arkiv
Publisert under: Regjeringen Jagland
Utgiver: Fiskeridepartementet
Pressemelding | Dato: 20.12.1996 | Sist oppdatert: 21.10.2006
20. desember 1996
Nr. 71/96
Regulering av hysefisket i 1997
Fiskeridepartementet har fastsett regulering av hysefisket med konvensjonell reiskap nord for 62. graden i 1997.
Hysebestanden er inne i ei god utvikling og den norske totalkvoten er auka frå 90.000 tonn i 1996 til 109.000 tonn i 1997. Fiskeridepartementet følgjer framlegga frå Norges Fiskarlag og Reguleringsrådet om at 39 prosent av totalkvoten skal kunne fiskast med trål. Dermed vert 66.490 tonn avsett til fiske med konvensjonell reiskap, bortsett frå not. Dei konvensjonelle fartøya kan fiske fritt innanfor denne gruppekvoten.
Det er vanleg påskestogg i det konvensjonelle hysefisket frå 26. mars kl. 17.00 til 31. mars kl. 24.00. For fisket med snurrevad gjeld stoggen til 1. april kl. 10.00.
Når det ordinære hysefisket er ferdig kan fartøy ha inntil 25 prosent bifangst av hyse ved fiske etter andre fiskeslag, unnateke reker og rognkjeks.
Kontaktperson: Rådgjevar Johan Williams 22 24 64 49
Lagt inn av Statens forvaltningstjeneste, ODIN-redaksjonen