Pressemelding

Nr. 79/96
23. desember 1996

Regulering av makrellfisket

Fiskeridepartementet har fastsett regulering av makrellfisket for første halvår 1997. Det vil i første halvår bli forbode å fiske makrell med not for fartøy større enn 13 meter. Dette gjeld både for kystnotbåtane og ringnotfartøya.

Fartøy under 21 meter har høve til å fiske med garn og krokreiskap.

Forbodet er sett i samsvar med den biologiske rådgjevinga om å forby makrellfiske sør for 62. graden før 31. juli.

Spørsmålet om å innføre deltakarbegrensing i kystnotfisket etter makrell og reguleringa av makrellfisket i andre halvår 1997 vil bli behandla på møtet i Reguleringsrådet i juni. Dette gjev Norges Fiskarlag tid til deira ønskje om ei brei organisasjonsmessig behandling av saka før reguleringsrådsmøtet.

Kontaktperson: Rådgjevar Johan Williams 22 24 64 49