Finansminister Jens Stoltenberg til Polen
Historisk arkiv
Publisert under: Regjeringen Jagland
Utgiver: Finans- og tolldepartementet
Pressemelding | Dato: 20.06.1997 | Sist oppdatert: 21.10.2006
Pressemelding
20. juni 1997
Finansminister Jens Stoltenberg til Polen
Finansminister Jens Stoltenberg skal neste veke møte den polske finansminister Marek Belka i Warszawa. Han skal også møte den polske sentralbanksjefen og ministeren for privatisering av statlege eigedomar. Desse møta finn stad tysdag 24.6.
Utviklinga i Polen's økonomi har vore svært positiv dei siste åra, og finansministeren ser fram til å møte sin polske kollega for å utveksle nyttige erfaringar. Av andre tema kan nemnast dei to landa sitt tilhøve til EU, økonomisk politikk, samarbeidet i OECD og østersjøområdet som økonomisk vekstregion.
Onsdag 25.6 er finansministeren med på ein frukost med det norske forretningsforum i Warszawa. Ei rekkje norske selskap er etablert i Polen, mellom anna Statoil, Norsk Hydro, Telenor og Stabburet (Orkla Foods).
Lagt inn 24 juni 1997 av Statens forvaltningstjeneste, ODIN-redaksjonen