Pressemelding

30. mai 1997

Tom Therkildsen ny statssekretær i Finansdepartementet

Tom Therkildsen vert i dag utnemnt til statssekretær i Finansdepartementet. Han har vore politisk rådgjevar for finansminister Jens Stoltenberg sidan i fjor haust. Statssekretær Marianne Andreassen har no permisjon.

Tom Therkildsen (37) kom til Finansdepartementet frå stillinga som IT-direktør ved Universitetet i Bergen. Han har óg vore politisk rådgjevar for Stoltenberg i Næringsdepartementet. Therkildsen er cand.polit, med hovudfag i Informasjonsvitskap (1987). Han har økonomi og logikk som støttefag.

Therkildsen har hatt fleire ulike stillingar ved Universitetet i Bergen før han vart IT-direktør i oktober 1995 (stipendiat, amanuensis, kontorsjef). Han har hatt ei rekkje verv i Arbeidarpartiet og har mellom anna vore med i partiet sin programkomité.