22 kommunar kan få høgare distriktspolitisk status
Historisk arkiv
Publisert under: Regjeringen Jagland
Utgiver: Kommunal- og arbeidsdepartementet
Pressemelding | Dato: 07.10.1997 | Sist oppdatert: 21.10.2006
Pressemelding
Oslo, 07.10.97
Informasjonsenheten, forværelse. Tlf.: (+47) 22 24 68 21
Informasjonssjef Erling Hansen. Tlf. priv.: (+47) 66 91 26 79
Informasjonsrådgiver Eva Kvandal. Tlf. priv.: (+47) 22 38 26 38
22 kommunar kan få høgare distriktspolitisk status
Regjeringa har revidert det geografiske verkeområdet for dei distriktspolitiske verkemidlane. Gjeldande verkeområde går ut 31. desember 1997 og nytt virkeområde vil etter planen gjelde frå 1. januar 1998. Det utarbeidde virkeområdet vil bli sendt til ESA (EFTA Surveillance Authority) for godkjenning i samsvar med EØS-avtalen. Etter ESA sin behandling, vil endeleg virkeområde bli fastsett i statsråd ved kongeleg resolusjon.
Det geografiske virkeområdet for dei distriktspolitiske verkemidlane avgrensar bruken av distriktspolitisk bedriftssretta støtte (lån og tilskot) gjennom Statens nærings- og distriktsutviklingsfond/fylkeskommunane. Indirekte verkemidlar gjennom kommunar, fylkeskommunar og Kommunal- og arbeidsdepartementet blir òg avgrensa gjennom denne ordninga.
Virkeområdet er delt i fire prioriteringsområde; A, B, C og D. Område A skal ha høgast prioritet ved bruk av distriktspolitiske verkemidlar. I områda A, B og C er det høve til å yte bedriftsretta støtte, lån og tilskot, samt indirekte tilretteleggjande støtte og kommunale næringsfond. I område D kan det berre ytast indirekte, tilretteleggjande stønad og tilskot til kommunale næringsfond.
Prinsippa for revisjon blei lagt fram i Stortingsmelding nr 31 (1996-97) Om distrikts- og regionalpolitikken. Virkeområdet blir i hovudsak revidert etter dei same prinsippa som for fire år sidan, då det blei lagt vekt på arbeidsmarknad, geografi, demografi og inntekt. Geografi og demografi veg tyngst. Kommunal- og arbeidsdepartementet har ført vidare prinsippet om å vurdere kommunar i forhold til større regionar dei naturleg er ein del av.
- Eit viktig moment ved denne revisjonen er problematikken knytt til kommunane som ligg opp til grensa mot Sverige. Vi har derfor gjort framlegg om høgare status på fleire av grensekommunane i Østfold, Hedmark og Nord-Trøndelag, seier kommunal- og arbeidsminister Kjell Opseth.
For desse kommunane er det lagt opp til betra status:Til B frå C:Mosvik, Agdenes, Bjugn, Gulen, Solund, Hyllestad, Askvoll, Fjaler, Utsira og Åmli.Til C frå D:Steinkjer, Verdal, Inderøy, Midtre Gauldal, Selbu, Aremark, Marker, Rømskog og Eidskog.Til C utanfrå:Kongsvinger.Til D utanfrå:Kragerø og FrolandFor desse kommunane er det lagt opp til redusert status:Frå C til D:Evje og Hornnes.Går heilt ut:Forsand og Bokn.
Det er ikkje gjort endringar ut over dette.
Lagt inn 7 oktober 1997 av Statens forvaltningstjeneste, ODIN-redaksjonen