Kommunal- og arbeidsminister Kjell Opseth set søkelyset på kvinner og næringsutvikling i distrikts-Noreg
Historisk arkiv
Publisert under: Regjeringen Jagland
Utgiver: Kommunal- og arbeidsdepartementet
Pressemelding | Dato: 14.02.1997 | Sist oppdatert: 21.10.2006
Pressemelding
14 februar 1997
Kommunal- og arbeidsminister Kjell Opseth set søkelyset på kvinner og næringsutvikling i distrikts-Noreg
Statsråd Kjell Opseth deltek på NHO sin kvinnekonferansen i Selje torsdag 13/2-97.
Sogn- og Fjordane har sterkast kvinnefråflytting av alle fylka i landet. Denne trenden ønskjer NHO Sogn og Fjordane å snu. Kvinnekonferansen er første tiltak i denne samanhang.
- Den store kvinnefråflyttinga fra Sogn og Fjordane vil på sikt få svært uheldige konsekvensar for næringslivet og lokalsamfunna i fylket, seier kommunalminister Kjell Opseth.
Kommunalministeren meiner det er nødvendig å leggje forholda betre til rette for nyetableringar, og peiker i den samanhang på at lokalsamfunnet og kommunanes holdning til etablerarar kan vere avgjerande for om kvinner tør starte eigen verksemd. Kommunal- og arbeidsdepartementet har satt fokus på haldningar gjennom kampanjen "Etableringar gjev vekst for alle" Kampanjen rettar seg mot heile kommunen. Målet er at kommunane skal auke servicenivået overfor nyetablerarane og gje dei høgre prioritet i næringsarbeidet.
- Distrikts-Noreg treng fleire nyetableringar. For å stimulere til kvinneetableringar spesielt blir kvinner gitt prioritet ved fleire av verkemidla til departementet, seier statsråd Kjell Opseth.
Statsråden er i sitt innlegg også oppteken av kompetansesatsing og nettverksbyggjing som eit svar på korleis fylket kan hindre auka kvinnefråflytting. Som eit positivt døme på nettverkssamarbeid trekk statsråden fram nettverkskreditt-ordninga. Ei ordning som gjev kvinnelege etablerarar - lån, rettleiing og oppfølgjing gjennom heile etablerarprosessen.
Lagt inn 14 februar 1997 av Statens forvaltningstjeneste, ODIN-redaksjonen