Pressemelding

Nr. 105 /96
20.12.1996

Ole Jacob Bull direktør i Norsk Kulturråd

Redaksjonssjef Ole Jacob Bull (46) er i statsråd tilsett som direktør i Norsk kulturråd fram til 31.mars 2000. Stillinga er eit vikariat for Halvdan Skard som no er leiar for Kommunenes Sentralforbund.

Ole Jacob Bull er cand.mag frå Universitetet i Oslo i 1974 med fagkrinsen historie, statsvitskap og norsk. Han studerte seinare historie ved Sorbonne i Paris og litteratur ved New York City College.

Ole Jacob Bull har vore redaksjonssjef i Aschehougs Forlag frå 1988. Han har tidlegare vore dagleg leiar i Norsk Forfattersentrum, forlagsredaktør i Pax forlag og informasjonskonsulent i Gyldendal Norsk Forlag. Han har hatt ulike tillitsverv innanfor kulturlivet.