Pressemelding

Nr. 9/97
14.02.1997

Ekspedisjonssjef Sigve Gramstad, tlf. 22 24 80 00

1997-Løyvinga til Norsk Kulturfond fordelt

Fordelinga av løyvinga til Norsk kulturfond for 1996 på 159,644 mill. kroner vart vedteken i statsråd fredag.

Den største avsetninga er 64,7 mill. kroner til litteratur. Auken på 1,7 mill. kroner går i hovudsak til innkjøpsordninga for litteratur for vaksne.

Til scenekunst er det ei eiga avsetning på 23,7 mill. kroner. Mesteparten går til drifts-

og produksjonsstøtte til frie sceniske grupper, og auken på 1,8 mill. kroner skal gå til styrking av dans.

I avsetninga til andre formål på 14 mill. kroner er 2 mill. kroner øyremerkte til fleirkulturelle tiltak.

Løyvinga til Norsk kulturfond er vidare fordelt slik: tidsskrift 2,3 mill. kroner, musikk 8 mill. kroner, biletkunst/kunsthandverk 8,7 mill. kroner, kulturvern 12,1 mill. kroner, kulturbygg 8,8 mill. kroner, barn og unge 7,7 mill. kroner, arkitektur og omgjevnader 2,5 mill. kroner, kultur og medium 1 mill. kroner, kultur og helse 4 mill. kroner, og utval og utgreiingar 2,2 mill. kroner.