Speleoverskot til idretten
Historisk arkiv
Publisert under: Regjeringen Jagland
Utgiver: Kulturdepartementet
Pressemelding | Dato: 25.04.1997 | Sist oppdatert: 21.10.2006
Pressemelding
Nr. 26/97
25.04.97
Speleoverskot til idretten
Fordelinga av idrettens del av overskotet i Norsk Tipping A/S for 1996 på 631 mill. kroner vart fastsett i statsråd fredag. Det er ein auke på 37 mill. kroner frå i fjor.
363,6 mill. kroner av midlane går til idrettsanlegg. Av desse går mesteparten, 300,1 mill. kroner, til idrettsanlegg i kommunane og 8,5 mill. kroner til anlegg for friluftsliv i fjellet. 26,5 mill. kroner er sett av til framtidige nasjonalanlegg og 22,4 mill. kroner til spesielle anlegg.
Til informasjon og utviklingsarbeid er det sett av 13,6 mill. kroner. Av dette får grupper med spesielle behov 3 mill. kroner, medan 1,5 mill. kroner skal gå til vidareutvikling av eit idrettsanleggsregister og 4 mill. kroner til forsking og utviklingsarbeid i regi av Kulturdepartementet. I tillegg går mellom anna 3,8 mill. kroner til idrettsforsking i regi av Noregs forskingsråd, 2,5 mill. kroner til Hormonlaboratoriet ved Aker sykehus, 1 mill. kroner til Friluftslivets fellesorganisasjon og 7 mill. kroner til tiltak i dei større byane.
Norges Idrettsforbund og Olympiske Komité får til saman 237,8 mill. kroner. Av dette beløpet utgjer rammetilskotet 203,7 mill. kroner, og 12,2 mill. kroner er sette av til OL-deltaking i Nagano og Sydney. 21,9 mill. kroner er øyremerkte midlar. Av dette går 7 mill. kroner til anti-doping, 6 mill. kroner til barn og unge, 3,5 mill. kroner til kvinner og 2,5 mill. til FoU-arbeid.
Lagt inn 25 april 1997 av Statens forvaltningstjeneste, ODIN-redaksjonen