13 milliardar til høgre utdanning
Historisk arkiv
Publisert under: Regjeringen Jagland
Utgiver: Kirke-, utdannings- og forskningsdepartementet
Pressemelding | Dato: 13.10.1997 | Sist oppdatert: 21.10.2006
Pressemelding
Nr. 094-97, Dato 13. oktober 1997
13 MILLIARDAR TIL HØGRE UTDANNING
Det blir gjort framlegg om å løyve om lag 13 milliardar kroner til høgre utdanning på neste års budsjett. Korrigert for tekniske endringar aukar løyvingane til høgre utdanning med 3,3 prosent.
Her er nokre av tiltaka:
- Det blir oppretta 517 nye studieplassar på prioriterte studium hausten 1998 som oppfølging av Handlingsplan for helse- og omsorgspersonell. Studieplassane fordeler seg med 190 studieplassar på sjukepleie, 237 i vernepleie og i tillegg 90 i medisin. Ein del av studieplassane i medisin blir foreslått kjøpt i utlandet.
- Det blir oppretta 87 nye studieplassar hausten 1998 for å vidareføre auka opptak på medisin og psykologi.
- 1 705 nye studieplassar som er oppretta hausten 1997 blir vidareførte.
- Det blir løyvt 25 millionar kroner til planlagt kjøp av Menighetsfakultetets bygg i samband med samlokalisering av Norges musikkhøgskole og tidlegare Østlandets musikkonservatorium
- Talet på studieplassar ved universiteta blir frå hausten 1998 redusert med om lag 2000 for m.a. å finansiere dei nye studieplassane innan dei prioriterte utdanningane (til dømes innan helse og omsorg).
- Regjeringa foreslår å avvikle statstilskottet til bedriftsøkonomutdanningane ved BI-stiftinga.
Pressekontaktar:
Avdelingsdirektør Hans Jørgen Gjertsen, tlf. a
22 24 77 02, p 22 73 29 78'
Avdelingsdirektør Arne Benjaminsen, tlf. a 22 24 77 31, p 22
19 00 28