Pressemelding

Nr. 056-97
27. juni

50 nye studieplassar til Høgskulen i Sogn og Fjordane

Høgskulen i Sogn og Fjordane får til saman 50 nye studieplassar for skuleåret 1997-98. Dei nye plassane fordeler seg med 25 på almennlærarutdanninga og 25 på førskulelærarutdanninga.

-Tildelinga av dei nye studieplassane innan førskulelærarutdanninga har klar samanheng med Regjeringa si overordna målsetjing om full barnehagedekning, seier kyrkje-, utdannings- og forskingsminister Reidar Sandal i ein kommentar. Grunnskulereforma vil dessutan medføre at behovet for å få utdanna nye lærarar er auka, seier Sandal.