Behov for etter- og vidareutdanning
Historisk arkiv
Publisert under: Regjeringen Jagland
Utgiver: Kirke-, utdannings- og forskningsdepartementet
Pressemelding | Dato: 07.01.1997 | Sist oppdatert: 21.10.2006
Pressemelding
Nr. 003-97
7. januar 1997
Statsråd Sandal
Behov for etter- og vidareutdanning
Kyrkje-, utdannings- og forskingsminister Reidar Sandal gjekk på NHO sin årskonferanse tysdag inn på behovet for å satse på etter- og vidareutdanning.
Han sa m.a.:
Regjeringa sitt arbeid med å utvikle ein tilpassa, målretta og heilskapleg kompetansepolitikk for etter- og vidareutdanning vil bli intensivert etter følgjande tre hovudlinjer:
- Analysere og vurdere behov for og effekten av kompetansehevande tiltak og dei offentlege verkemidla innanfor dei ulike politikkområda. Samspelet med partane i arbeidslivet er viktig i denne tilnærminga.
- Arbeide vidare med å tilpasse utdanningssystemet etter behova til dei vaksne og til arbeidslivet etter dei linjene som er trekte opp gjennom reformene i grunnutdanninga.
- Regjeringa har som kjent sett ned eit offentleg utval som skal greie ut sentrale spørsmål som grunnlag for ein nasjonal handlingsplan for vaksenopplæring og kompetanseutvikling i arbeids- og samfunnslivet.
Utvalet skal avgi si innstilling 1. oktober 1997. I langtidsprogrammet for 1998-2001 vil dei prinsippielle og overordna sidene ved ein nasjonal handlingsplan for etter- og vidareutdanning og vaksenopplræing bli drøfta og sett i samanheng med dei andre politikkområda.
Talen vil vere tilgjengeleg på internett: linkdoc014005-090060#dochttp://odin.dep.no/kuf/taler/97/970107.html
Lagt inn 8 januar 1997 av Statens forvaltningstjeneste, ODIN-redaksjonen