Pressemelding

Nr. 019-97
28. februar

Stortingsmelding om studium i utlandet

• Fleire studentar skal ta delar av utdanninga si i utlandet
• Det skal stimulerast til studiar utanfor Vest-Europa og Nord-Amerika
• Støtta skal målrettast betre mot utdanningar som det er særskilt behov for i Noreg

Dette er hovudmåla som er skisserte i linkdoc014005-040005#docSt. meld nr. nr 19 (1996-97) Om studier i utlandet som passerte Statsråd fredag. Meldinga fokuserer på bruk av studiefinansiering som verkemiddel for å leggje til rette for studium i utlandet.

Stortingsmeldinga fokuserer m.a. på desse verkemidla:

• Studentar kan fritt ta med seg stønad som er gitt i Noreg til studium i andre land. Stønadsnivået skal gjennomgåast for å oppnå ein større reell likskap.
• Aktiv tilrettelegging i ein del land. Språkkursavtalar og spesielle stønadsordningar skal vurderast.
• Eingongsstipend til førebuande språkkurs for studium/fagutdanning i land utanfor Norden med anna studiespråk enn engelsk. Stipendet er på 10 000 kr.
• Betre dei økonomiske vilkåra i samband med kortare kurs som ledd i ei norsk utdanning.
• ERASMUS-studentar får stønad på linje med andre utanlandsstudentar.
• Kjøp av 88 studieplassar i utlandet innanfor medisin.
• Omlegging av reisestønadsordninga. Heretter vil det bli gitt stønad til to tur-retur-reiser heim/studiestad i året.
• Meir målretta informasjon med sikte på ei breiare geografisk og sosial rekruttering til studium i utlandet. Det vert m.a. gjort framlegg om å setje av midlar til oppretting av to nye stillingar i ANSA si informasjonsavdeling.
• Det blir foreslått å opprette eit rådgjevande utval som skal prioritere studium og lærestader for særskilt tilrettelegging.

Kontaktperson: Ekspedisjonssjef Jan S. Levy, tlf. 22 24 77 00, p. 22 50 62 72

Stortingsmelding nr. 19 (1996-97) finst på ODIN med denne adessa: http://odin.dep.no/repub/96-97/stmld/19/