Pressemelding

13. desember 1996

Kgl.Res. om verneplan for myr i Møre og Romsdal

Regjeringa har i statsråd i dag fatta vedtak om verneplanen for myr i Møre og Romsdal. Verneplanen er eit ledd i det landsomfattande verneplanarbeidet og femner om i alt 25 naturreservat. Verneplanen dekkjer eit areal på ca 74 km2 derav ca 1,5 km2 landareal.

Av i alt 146 undersøkte lokalitetar foreslo Fylkesmannen i Møre og Romsdal i 1988 vern av 29 lokalitetar med verneverdi i internasjonal, nasjonal eller i regional samanheng. På grunn av næringsinteresser er 4 av lokalitetane seinare grege ut av verneplanen. Dei 25 lokalitetane som no er freda sikrar dei beste myrlokalitetane i Møre og Romsdal med stor variasjon i myrtyper.

Gjennom fylkesmannen og Direktoratet for naturforvaltning sine høyringar og tilrådingar har saka fått ei grundig handsaming. Det er på vesentlege punkt teke omsyn til andre interesser som landbruk, jakt, fiske og friluftsliv.

I grove trekk er vegetasjon freda, men tradisjonelt beite, sanking av bær og sopp er lov. Viltlova og lakse- og innlandsfiskelova sine føresegner gjeld for jakt og fiske i naturreservata.

Forvaltningsstyresmakta kan utarbeide forvaltningsplanar med nærare retningsliner for gjennomføring av skjøtselstiltak i områdene.

Forvaltninga av verneområdene er lagt til Fylkesmannen i Møre og Romsdal.

Fylgjande område er freda etter naturvernlova:

1. Goksøyrmyrane naturreservat, Herøy kommune
2. Åmsmyra naturreservat, Ørsta kommune
3. Måslia naturreservat, Ørskog og Vestnes kommunar
4. Seljebotsmyrane naturreservat, Stordal kommune
5. Storeidet naturreservat, Sykkylven kommune
6. Remerhornheiane naturreservat, Sykkylven kommune
7. Fjørtoftneset naturreservat, Haram kommune
8. Bakkedalen naturreservat, Haram kommune
9. Røamyrane naturreservat, Molde kommune
10. Gule-/Stavikmyrane naturreservat, Fræna kommune
11. Fræneidet naturreservat, Fræna kommune
12. Knarrashaugmyra naturreservat, Eide kommune
13. Svanvikmyra naturreservat, Eide kommune
14. Lauvåsen naturreservat, Averøy kommune
15. Einsetmyra naturreservat, Tingvoll kommune
16. Prestgardselva naturreservat, Surnadal kommune
17. Høgmyran naturreservat, Surnadal kommune
18. Tågdalen naturreservat, Surnadal kommune
19. Grønkjølen naturreservat, Rindal og Surnadal kommunar
20. Lomundsjømyra naturreservat, Rindal kommune
21. Storslettkjølen naturreservat, Rindal og Meldal kommunar
22. Gjelamyra naturreservat, Aure kommune
23. Rødmyra naturreservat, Halsa kommune
24. Stokkjølen naturreservat, Halsa kommune
25. Sandvikmyrane naturreservat, Tustna kommune

Kontakt: Miljøvernavdelinga hjå Fylkesmannen i Møre og Romsdal kan gje nærare opplysningar på tlf: 71 25 80 00.