Pressemelding

23.06.97

Statsråd Ranveig Frøiland til Bergen og Sotra 25. juni

Onsdag 25. juni vitjar olje- og energiminister Ranveig Frøiland BKK og Nansen Senteret i Bergen og Vest Næringssamskipnad og Petroleumsrådet på Sotra.

Møtet startar hos BKK, der statsråden vil få ei orientering om verksemda. Kl. 1000 kjem Ranveig Frøiland til Nansen Senteret, der "Klima og CO2-problematikken" vil vere tema for eit møte. Forutan statsråden, vil blant anna direktør for Nansen Senteret prof. Ola M. Johannesen og universitetsdirektør Kåre Rommetveit delta. Pressa er velkomne til møtet ved Nansen Senteret.

Vest Næringssamskipnad på Sotra inviterer til eit møte kl. 1200. Representantar for medlemsbedrifter i regionen er inviterte til å delta. Tema for møtet vil mellom anna vere bygging av gasskraftverk i Norge og industrielle aktivitetar i regionen. Møtet, som finn stad i Fjell Rådhus på Straume, er ope for pressa.

Venleg helsing
Anne Ekern Informasjonssjef