Idégrupper for dei yngste og dei eldste
Historisk arkiv
Publisert under: Regjeringen Jagland
Utgiver: Planleggings- og samordningsdepartementet
Pressemelding | Dato: 28.01.1997 | Sist oppdatert: 21.10.2006
Pressemelding
Nr. 8/96
28.01.97
Idégrupper for dei yngste og dei eldste
- Eg vil utfordre unge og eldre til å vere med på å forme den informasjonsteknologiske delen av framtida i "Det norske hus", og vil setje ned to idégrupper som skal arbeide med dette, sa planleggings- og samordningsminister Bendik Rugaas i si IT-politiske utgreiing for Stortinget i dag.
Den eine gruppa skal ikkje ha noen deltakarar som er eldre enn 25 år - og desse skal komme med idear til bruk av IT og Internett på ulike samfunnsområde. Ungdomsgruppa vil også bli utfordra til å foreslå korleis ungdom og ungdomsorganisasjonar kan etablere fellesskap og nettverk og bruke nettet i sitt arbeid. For eksempel i haldningsskapande arbeid mot vald og mobbing, kan nettet brukast til å skape møteplassar og diskusjonsforum. Den andre gruppa skal ikkje ha noen deltakarar som er yngre enn 65 år - og dasse skal ta for seg korleis eldre kan få glede og nytte av nettet og gi råd og synspunkt på korleis vi bør innrette oss når nye tenester og kommunikasjonskanalar i samfunnet blir utforma.
- Eldresenteret på Stovner i Oslo har Internettilknytning, og er eit eksempel på at nettverk og kommunikasjon ikkie er berre for unge, men i høgaste grad også ei muligheit for eldre, sa statsråd Rugaas.
linkdoc040005-090004#docIT-politisk redegjørelse
Lagt inn 28 januar 1997 av Statens forvaltningstjeneste, ODIN-redaksjonen