Boknafjordsambandet: Ny gassdriven ferje kostar 145 millionar kroner
Historisk arkiv
Publisert under: Regjeringen Jagland
Utgiver: Samferdselsdepartementet
Pressemelding | Dato: 07.03.1997 | Sist oppdatert: 21.10.2006
Pressemelding
Nr. 14/97
7.3.1997
Boknafjordsambandet: Ny gassdriven ferje kostar 145 millionar kroner
Det skal byggjast ei ny ferje for prøvedrift med bruk av komprimert naturgass (CNG, Compressed natural gass) som drivstoff i Boknafjordsambandet i Rogaland. Den nye ferja er rekna å koste 145 millionar kroner. I tillegg kjem kostnadene til oppbygging av eit nytt transportsystem for frakt av gass til ferja, noko som er rekna å koste 15 millionar kroner.
Dette går fram av ei orientering som er tatt inn i eit forslag om endringar i statsbudsjettet for 1997.
Prøvedrifta med "gassferje" i Boknafjordsambandet er ei oppfølging av eit tidlegare vedtak i Stortinget. I tillegg vil det bli sett i gang forsøk med bruk av flytande gass (LNG, Liquid natural gass) som drivstoff i ferjesambandet Halsa - Kanestraum i Møre og Romsdal.
Informasjonskontoret, Akersg. 59, Oslo
Postadresse: Boks 8010 Dep., 0030 OSLO
Informasjonssjef Ivar Torvik
Tlf.: 22 24 81 08
(Privat 22 60 21 42)
Telefax
22 24 95 71
22 34 95 71