Legemiddel mot beinskjørleik på blå resept frå 1. april
Historisk arkiv
Publisert under: Regjeringen Jagland
Utgiver: Sosial- og helsedepartementet
Pressemelding | Dato: 21.03.1997 | Sist oppdatert: 21.10.2006
Pressemelding
Nr. 16/97
21.03.97
Legemiddel mot beinskjørleik på blå resept frå 1. april
Ein stortingsproposisjon om refusjon av legemidla Fosamax og Didronate til behandling av beinskjørleik (osteoporose) vart handsama i Statsråd i dag.
Fosamax og Didronate skal brukast til behandling av pasientar som har hatt brot på grunn av beinskjørleik. Departementet tilrår at det blir gitt refusjon av desse legemidla til behandling av høgrisikopersonar over 70 år, og høgrisikopersonar under 70 år som ikkje kan bruke østrogen. Østrogen er framleis førsteval for personar under 70 år som har beinskjørleik.
For å sikre forsvarleg bruk av legemidla blir det lagt opp til at følgjande spesialistar kan skrive ut disse medikamenta for trygda si rekning: endokrinologar, revmatologar, gynekologar, geriatarar, onkologar, ortopedar, indremedisinarar og kirurgar.
Ein reknar med at folketrygda vil få ei utgift på om lag 100 mill. kroner pr. år til desse medikamenta. Pasientar vil få Fosamax og Didronate på blå resept frå 1. april.
Kontaktperson: Avdelingsdirektør Ola Westbye, tlf. 22 24 85 92
Lagt inn 21 mars 1997 av Statens forvaltningstjeneste, ODIN-redaksjonen