Statsministerens program, uke 3

Tysdag 14. januar kl. 14.30 leiar statsministeren eit møte i Regjeringa si styringsgruppe for Nord-Noreg, på Statsministerens kontor. Dei andre som deltek er utanriksministeren, kommunalministeren, næringsministeren, oljeministeren, fiskeriministeren, landbruksministeren, sametingspresidenten og fylkesordførarane i Nordland, Troms og Finnmark. Det er høve til å fotografere idet møtet tek til. Etter møtet, omlag kl. 16.30, er statsministeren tilgjengeleg for pressa same staden.

Onsdag 15. januar kl. 14.00-15.00 har statsministeren det første av dei faste treffa med inviterte pressefolk, denne gongen med representantar for redaksjonane i Stortinget sin presselosje. Statsministeren vil seinare møte andre redaksjonar.

Torsdag 16. januar kl. 10.00 leiar statsministeren årsmøtet i Samarbeidskomitéen for dei sosialdemokratiske partia i Norden (SAMAK), på Sørmarka kurs- og konferansesenter i Ski. For detaljar viser vi til Arbeidarpartiet, informasjonssjef Guttorm Lyshagen, telefon 22 94 06 00.

SAMAK-møtet held fram på Sørmarka fredag 17. januar, fram til etter føremiddagsmat. Kl. 15.00 har dei sosialdemokratiske statsministrane i Norden, som deltek i SAMAK-møtet, eit eige møte på Voksenåsen Hotell i Oslo. Dei er tilgjengelege for pressa idet møtet tek til.

Pressekontakt er statssekretær Frøy Kannert, telefon 22 14 30 90 - telefaks 22 49 37 16.