Ambassadør Skogmo formann i Eksekutivkomiteen i UNHCR.
Historisk arkiv
Publisert under: Regjeringen Jagland
Utgiver: Utenriksdepartementet
Pressemelding | Dato: 13.10.1997 | Sist oppdatert: 21.10.2006
Pressemelding
Nr.:140/97
13. oktober 1997
Ambassadør Skogmo formann i Eksekutivkomiteen i UNHCR.
Norges FN-ambassadør i Geneve, Bjørn Skogmo, blir i dag vald til formann i Eksekutivkomiteen til FNs Høgkommissær for flyktningar (UNHCR). Dette er det viktigaste FN-organet som steller med internasjonale flyktningespørsmål. Skogmo har vore viseformann i komiteen frå 1996-97.
Statssekretær Jan Egeland skal i samband med møtet i Eksekutivkomiteen opna ei minneutstilling i Biblioteket i Palais des Nations om Fridtjof Nansen, den aller første Høgkommissær for Flyktningar. Utstillinga er basert på den store Nansen-utstillinga som tidlegare er vist på Norsk Folkemuseum. Den skal visast i Geneve fram til jul og deretter ei rekke andre stader rundt i verda.
I samband med møtet i Eksekutivkomiteen skjer og den årvisse tildelinga av Nansen-medaljen. Medaljen blir utdelt kvart år av FNs Høgkommissær for flyktningar til ein person eller organisasjon som har gjort ein spesiell innsats for flyktningane i verda. Årets prisvinnar er Søster Joannas Klas frå USA som får prisen for sitt arbeid for flyktningar i Mellom-Amerika. Med prisen følgjer eit beløp på USD 100.000 som skal nyttast til eit humanitært føremål i samarbeid med Høgkommisæren. Den norske regjeringa har gitt USD 100.000 til Nansen-fondet som deler ut prisen.
Statssekretær Jan Egeland skal halda det norske hovedinnlegget på møtet i Eksekutivkomiteen.
Utanriksdepartementet, 13. oktober 1997
Lagt inn 13 oktober 1997 av Statens forvaltningstjeneste, ODIN-redaksjonen