Pressemelding

NR.: 35/97
21. mars 1997

Avtale om overføring av gass frå Noreg til Frankrike

Regjeringa la i dag fram ein Stortingsproposisjon om samtykke til godkjenning av ein avtale mellom Noreg og Frankrike om overføring av gass frå norsk kontinentalsokkel gjennom røyrleidning til Frankrike, NorFra-avtalen. Avtalen vart underteikna 27. mars 1995.

Norfra-avtalen skal løyse folkerettslege, skatterettslege og andre spørsmål som oppstår i tilknytning til leggjing og drift av røyrleidninga frå den norske kontinentalsokkelen til Dunkerque i Frankrike. Røyrleidninga er venta ferdigstilt i 1998. Avtalen byggjer på dei same grunnleggjande prinsippa som dei avtala som er inngått for dei tre røyrleidningane som går til Storbritannia, Tyskland og Belgia.

Frankrike har tidlegare godkjent avtalen, som vil tre i kraft etter norsk godkjenning.

Utanriksdepartementet, 21. mars 1997