Pressemelding

Nr.: 32/97
19. mars 1997

Norge tar til orde for internasjonale økonomiske sanksjonar mot Iran i FN's menneskerettskommisjon.

- Norge oppmodar til internasjonale økonomiske sanksjonar mot Iran. Det sa statssekretær Jan Egeland i det norske hovedinnlegget i dag under den årlege sesjonen i FN's menneskerettskommisjon i Geneve. - Dødsdommen (fatwaet) mot forfattaren Salman Rushdie er fullstendig uakseptabel og i strid med grunnleggjande menneskerettsprinsipp og folkeretten, sa Egeland. - Norge held iranske styresmakter ansvarlege for trugsmålet mot Rushdie. Egeland viste til at beløpet som er lova ut til dei som utfører fatwaet vart auka til 2,5 millionar dollar i februar.

Statssekretær Egeland ga i innlegget uttrykk for stor uro over den vanskelege situasjonen for dei mange enkeltpersonar som står fram og forsvarar menneskerettane i ei rekke land. - Deira rettar må sikrast gjennom ei eiga FN-erklæring. Norge leiar no den arbeidsgruppa som utarbeider teksten til ei slik erklæring om menneskerettsforkjemparar. - Det er nødvendig å styrka innsatsen for menneskerettane, sa statssekretær Egeland og tok til orde for at større ressursar må stillast til rådvelde for dette føremålet.

I det norske innlegget vart og urfolka sine rettar tekne opp, og statssekretær Egeland understreka behovet for humanitære standardar som partane i konfliktar må respektera.

FN's menneskerettskommisjon har 53 fulle medlemmer. I tillegg deltar vel 80 land som observatørar samt over 100 frivillige organisasjonar i Kommisjonen sitt arbeid.

Medlemskap i Kommisjonen går på omgang mellom dei nordiske land. For tida er det Danmark som har det nordiske setet. Norge deltar aktivt i Kommisjonen som observatør.