Utanriksminister Godal fordømer bombeattentat i Jerusalem
Historisk arkiv
Publisert under: Regjeringen Jagland
Utgiver: Utenriksdepartementet
Pressemelding | Dato: 30.07.1997 | Sist oppdatert: 21.10.2006
Pressemelding
Nr.: 111/97
Dato: 30. juli 1997
Utanriksminister Godal fordømer bombeattentat i Jerusalem
- Eg er opprørt og forferda over bombeattentatet i Jerusalem i dag som har kosta så mange menneske livet, seier utanriksminister Bjørn Tore Godal. - Det er all grunn til å tru at vi står overfor ei ny uakseptabel terrorhandling som har ramma uskuldige sivile. Ekstremistiske krefter må ikkje få lov til å øydeleggja moglegheitene for fred i Midt-Austen gjennom slike handlingar, seier utanriksminister Godal og fordømer attentatet på det sterkaste.
Utanriksminister Godal har i dag på vegne av regjeringa sendt kondolansetelegram til den israelske utanriksminister David Levy der han uttrykker sin djupaste sympati med dei etterlatne.
Lagt inn 30 juli 1997 av Statens forvaltningstjeneste, ODIN-redaksjonen