Pressemelding

Nr. 8/97
5. februar 1997

Utanriksminister Godal fordømer drap på FN-personell i Rwanda

Utanriksminister Bjørn Tore Godal fordømer på det sterkaste drapa på fem medlemmer av FNs menneskerettsoperasjonar i Rwanda dei siste dagane. Utanriksministeren sende i dag kondolansetelegram til FNs høgkommissær for menneskerettar og uttrykte sympati overfor dei omkomne sine familiar.

Det er for tida 10 norske hjelpearbeidarar i dei austlege deler av Rwanda. Etter det Utanriksdepartementet kjenner til er desse trygge. Hjelparbeidarane er no i ferd med å bli evakuerte til hovedstaden Kigali.