Pressemelding

Nr. 70/97
Dato: 14. mai 1997

Utanriksminister Godal helser velkommen semje mellom NATO og Russland.

- Det er positivt at NATOs generalsekretær Javier Solana og Russlands utanriksminister Jevgenij Primakov no har kome fram til semje om eit framlegg til tekst til eit dokument om forholdet mellom NATO og Russland, seier utanriksminister Bjørn Tore Godal.

- Den teksten som det i dag vart semje om under drøftingane i Moskva, vil no bli studert nærare i samråd med våre allierte i NATO. Eg vonar at forholda no er lagt til rette for ei underteikning i Paris 27. mai og at dette vil leggja grunnlaget for ei god og konstruktiv utvikling av forholdet mellom NATO og Russland, seier utanriksminister Godal.