Pressemelding

Nr.: 2/97

Utanriksminister Godal til Latvia og Estland 13.-14.1.97

Utanriksminister Bjørn Tore Godal skal 13.-14. januar avleggja offisielt besøk til Latvia og Estland. Under opphaldet i Latvia skal han bl.a. ha samtalar med president Ulmanis, statsminister Skele, utanriksminister Birkhavs og medlemmer i Parlamentet. I Estland skal utanriksministeren møta president Meri, statsminister Vahi, utanriksminister Ilves og medlemmer i Parlamentet.

Europeiske tryggleiksspørsmål, NATO-utviding og forholdet til EU og Russland vil stå sentralt i samtalane. Regionalt samarbeid og norske samarbeidsprosjekt med Estland og Latvia vil og bli drøfta. Under besøket i Estland vil utanriksminister Godal underteikna ein avtale om å ta tilbake personar som kryssar grensa ulovleg. Dette er eit første konkret steg mot oppheving av visumplikta mellom Norge og Estland.

Utanriksdepartementet, 10. januar 1997