Pressemelding

Nr.: 53/2000
Dato: 24.10.2000

Jon Blaalid ny midlertidig arbeidsdirektør

Arbeids- og administrasjonsdepartementet har konstituert direktør Jon Blaalid i Statskonsult som ny arbeidsdirektør og han vil ha sin første arbeidsdag onsdag. Konstitusjonen gjeld fram til ny arbeidsdirektør kan tiltre.

- Eg er glad for at Blaalid stiller sin kompetanse og erfaring til rådvelde for arbeidsmarknadspolitikken, seier statsråd Jørgen Kosmo.

Jon Blaalid har leidd Statskonsult sidan august 1997. Han var tidlegare ekspedisjonssjef i Kommunal- og regionaldepartementets avdeling for arbeidsmiljø og tryggleik. Det har gitt han brei erfaring med arbeidslivsspørsmål. Blaalid leidde vidare arbeidet med NOU 1998:15 om "Arbeidsformidling og arbeidsleie".

Etter konstitusjonen går Blaalid tilbake til stillinga som direktør for Statskonsult.