Pressemelding

Nr.: 57/2000
Dato: 15.11.2000

Sjukefråværet i staten opp 1. kvartal 2000

Sjukefråværet i staten for 1. kvartal 2000 auka med 8,5 prosent samanlikna med same periode i fjor. Totalt sett er det sjukefråvær på over 14 dagar som aukar mest med 13,5 prosent, og auken er større for menn enn for kvinner.

I 1. kvartal 2000 låg det totale sjukefråværet på 6,7 prosent mot 6,2 prosent i same kvartal året før. Sjukefråværet for kvinner var på 8,5 prosent, mens menn har eit sjukefråvær på 5,4 prosent. I forhold til same kvartal året før gir det ein auke for kvinner på 3,9 prosent, og 11,3 prosents auke for menn.

Heiltidstilsette hadde 1. kvartal 2000 eit sjukefråvær på 6,5 prosent, mot 6,0 prosent i same kvartal året før. Det inneber ein auke på 8,3 prosent totalt, fordelt med 2,6 prosents auke for kvinner og 11,3 prosents auke for menn. For deltidstilsette er auken på 8,7 prosent, likt fordelt på kvinner og menn.

Arbeids- og administrasjonsminister Jørgen Kosmo er bekymra for auken i sjukefråværet. Han seier at arbeidet med å redusere sjukefråværet i staten, som i arbeidslivet elles, er svært viktig for Regjeringa. Innstillinga frå Sandmannutvalet om sjukefråvær og uførepensjonering er ute på høring. Høringsfristen er sett til utgangen av januar 2001.