Pressemelding

Nr.: 28/2001
Dato: 04.05.01

Semje om auke i pensjonane frå folketrygda

Partane i trygdeoppgjeret er blitt samde om å auke grunnbeløpet i folketrygda med 2 270 kroner frå 1. mai 2001. Staten og organisasjonane, Norsk Pensjonistforbund, Funksjonshemmedes Fellesorganisasjon og Landsorganisasjonen i Norge blei fredag 4. mai einige om oppgjeret som inneber at grunnbeløpet blir på 51 360 kroner. Regjeringa vil fremje forslag til Stortinget om regulering av grunnbeløpet i folketrygda i samsvar med dette.

- Eg er svært tilfreds med at staten og organisasjonane er komne fram til semje om trygdeoppgjeret, seier arbeids- og administrasjonsminister Jørgen Kosmo.

Framlegget inneber at grunnbeløpet og tilleggspensjonane aukar med 4,62 prosent frå 1. mai 2001. Som følgje av dette vil pensjonen for minstepensjonistane auke med 4 068 kroner per år. For gifte minstepensjonistar blir auken i pensjonane på om lag 3 500 kroner per år.