Tvistenemnd for utdanningspermisjonssaker

Kongen i statsråd har i dag oppnemt medlemmer til Tvistenemnda for utdanningspermisjonssaker, for perioden 1. juni 2001 til 31. mai 2004.

Advokat Ingeborg Moen Borgerud er oppnemnd til leiar av nemnda. Faste medlemmer frå arbeidstakarsida er utdanningssekretær Per Syversen frå Landsorganisasjonen i Norge og politisk rådgivar Wenche Paulsrud frå Yrkesorganisasjonenes Sentralforbund. Faste medlemmer frå arbeidsgivarsida er advokat Elisabeth Lea Strøm frå Næringslivets Hovedorganisasjon og spesialkonsulent Thomas Scheen frå Kommunenes Sentralforbund.

Sekretariat for nemnda er Direktoratet for arbeidstilsynet.

Bakgrunn

Arbeidsmiljøloven gir alle arbeidstakarar innanfor landbasert sektor rett til inntil tre års permisjon for å ta vidare utdanning. Regelverket krev at det skal opprettast ei sentral nemnd for å løyse tvistar mellom arbeidsgivar og arbeidstakar om utdanningspermisjon. Nemnda består av sju medlemmer - fem er faste medlemmer og to medlemmer skal oppnemnast i kvar enkelt tvist etter framlegg frå dei involverte partane.

Arbeids- og administrasjonsdepartementet utarbeider nå en informasjonsfaldar om retten til utdanningspermisjon. Faldaren kan ein få om nokre dagar om bla. ved å vende seg til Arbeidstilsynet, Statens utdanningskontor, trygdekontor og alle Aetat lokal.