Arve Helle tilsett som politisk rådgjevar i Fiskeridepartementet

Arve Helle frå Dale i Sunnfjord er tilsett som politisk rådgjevar i Fiskeridepartementet. Han er 28 år og har sidan 1994 arbeidd som fagkonsulent i Sogn og Fjordane Fotballkrets.

Helle var journalist i avisa Firda frå 1991 til 1992, og studerte ved Høgskulen i Sogn og Fjordane 1992 til 1994, først samfunnsfag, deretter organisasjons- og administrasjonskunnskap.

Arve Helle har sidan 1995 vore medlem av kommunestyret i Fjaler og sidan 1996 leiar i Fjaler Arbeiderparti.

Kontaktperson: Informasjonssjef Bjarne Myrstad, telf: 22 24 64 09