Fiskeridepartementet har fastsett linkdoc115439#docforskrift om deltaking i kystfartøygruppa sitt fiske etter makrell i 2001.

Deltakarforskrifta for 2001 er i det meste ei vidareføring av gjeldande forskrift. Det vert fri deltaking for fartøy under 13 meter som fiskar med not, garn og snøre, slik det også har vore i 2000.

Notfartøy frå og med 13 meter og under 21,35 meter må ha delteke i notfisket etter makrell og det må ha blitt levert makrell med fartøyet i minst eitt av åra 1998, 1999 eller 2000. Fartøya må ha ein lastekapasitet under 1.500 hektoliter.

Fartøy frå og med 13 meter og under 21,35 meter som fiskar med garn og snøre må ha delteke i fisket etter makrell og det må ha blitt levert makrell med fartøyet i minst eitt av åra 1998, 1999 eller 2000.

Reglane for utskifting av fartøy er endra i deltakarforskrifta for 2001. I forskrifta for inneverande år er ordninga slik at det må sendast melding om utskifting til Fiskeridirektoratet før fartøyet vert sett inn i fisket. I deltakarforskrifta for 2001 er desse reglane endra ved at den som skiftar ut må søkje om utskifting på førehand, på same måte som i fleire andre fiskeri.