Den irske fiskeri- og oljeministeren Frank Fahey kjem til Noreg 21. september og skal same dag ha politiske samtalar med fiskeriminister Otto Gregussen på Gardermoen. Fredag er Fahey i Bergen der han besøker Fiskeridirektoratet og har møte med Eksportutvalet for fisk. Fahey skal også besøke eit oppdrettsanlegg.

Blant emna som vil bli drøfta i møtet mellom dei to ministrane er samarbeid innan fiskeri og fiskeoppdrett mellom Noreg og EU, EU sin felles fiskeripolitikk, fiskeriforvalting og spørsmål knytta til marknaden for sjømat.