Fiskeridepartementet har fastsett regulering av fisket etter makrell i 2001. Den norske totalkvoten er på 176.370 tonn. Det er 4.310 tonn meir enn i 2000. Den norske kvoten vert fordelt med 142.490 tonn til ringnotgruppa, 30.000 tonn til kystfartøygruppa og 3.880 tonn til trålgruppa.

I kystfartøygruppa går halvparten av kvoten – 15.000 tonn – til notfartøy mellom 13 og 21,35 meter. Den andre halvparten tilfell notfartøy under 13 meter og fartøy under 21,35 meter som fiskar med garn og snøre. Kystfartøya vert regulerte med maksimalkvotar. Fartøy under 13 meter kan ikkje starte fisket før 1. mai 2001.

Reguleringa av ringnotfisket vert i hovudsak vidareført frå i år til 2001.

Opningsdatoen for trålfisket er sett til 5. november, og fisket vert regulert med maksimalkvotar.