Fiskeridepartementet har fastsett regulering av vinterloddefisket i Barentshavet i 2001. Norske fartøy kan samla fiske 371.000 tonn lodde i 2001.

Ringnotgruppa blir tildelt 283.810 tonn, trålgruppa 36.360 tonn og kystfartøygruppa 50.830 tonn. Fisket i alle tre gruppene vert regulert med fartøykvotar. Skjeringsdatoen for fastsetting av kvote til trålarane er flytta til 31.12.1998.

Ringnotfartøy som vil delta må vere påmelde innan 5. januar, trålarar og kystfartøy innan 12. januar. Det er skriftleg påmelding til Norges Sildesalgslag i Harstad.

Fisket opnar i utgangspunktet 15. januar, men dersom unglodda har skilt lag med den vaksne lodda før denne datoen, vil fisket kunne opne tidlegare. To fartøy kan drive forsøksfiske for å kartlegge situasjonen. Fiskeridirektoratet vil ha inspektørar om bord under forsøksfisket. Fisket etter vinterlodda er ope fram til 30. april 2001.

Også i 2001 vert det innførd konsumlodderegulering. Dette skjer innanfor ei øvre ramme på 45.000 tonn.

linkdoc115900#docForskrift om regulering av fisket etter vinterlodde i Barentshavet i 2001