Russisk forskingsfiske innanfor totalkvoten
Historisk arkiv
Publisert under: Regjeringen Stoltenberg I
Utgjevar: Fiskeridepartementet
Pressemelding | Dato: 31.08.2000 | Sist oppdatert: 21.10.2006
Dei russiske forskingskvotane som ei rekkje fartøy fiskar på i Barentshavet ligg innanfor den russiske totalkvoten. Det understreka den russiske forhandlingsleiaren i Den norsk russiske fiskerikommisjonen, M. Dementiev, i møte med den norske forhandlingsleiaren, departementsråd Jørn Krog, i St. Petersburg torsdag 31.august.
Pressemelding
Nr.: 44/2000
Dato: 31.08.2000
Kontaktperson: Ekspedisjonssjef Johán H. Williams 22 24 64
40
Russisk forskingsfiske innanfor totalkvoten
Dei russiske forskingskvotane som ei rekkje fartøy fiskar på i Barentshavet ligg innanfor den russiske totalkvoten. Det understreka den russiske forhandlingsleiaren i Den norsk russiske fiskerikommisjonen, M. Dementiev, i møte med den norske forhandlingsleiaren, departementsråd Jørn Krog, i St. Petersburg torsdag.
I det uoffisielle møtet mellom forhandlingsleiarane vart ulike problemstillingar i fiskerisamarbeidet mellom dei to landa drøfta. Det viktigaste temaet var det pågåande forskingsfisket i Barentshavet. Dementiev opplyste at den russiske lovgjevinga dei to siste åra har vore slik at det er ulovleg å tildele forskningskvotar i tillegg til den avtalte totalkvoten. Russiske styresmakter vil gjere nærare greie for denne saka i eit brev til norske styresmakter.