Fiskeridepartementet har fastsett totalkvoten for fisket etter sei nord for 62. breiddegrad til 135.000 tonn for neste år. Totalkvoten for 2001 er 10.000 tonn høgre enn kvoten for i år. Etter avsetting til andre land gir dette ein samla kvote for norske fiskarar på 125.000 tonn i 2001.

Ein totalkvote på 135.000 tonn inneber at nivået for uttak frå bestanden vert uendra i høve til i år. Berekningar frå Havforskingsinstituttet i haust syner at dette inneber at vi kan vente auke i gytebestanden.

Fiskeridepartementet vil vurdere kvotenivået på nytt når dei reviderte bestandsberekningane frå Det internasjonale råd for havforsking ligg føre tidleg i juni 2001.