- Dyrking av blåskjel er ei næring i rask vekst og det hastar med å finne løysingar på problemet med giftalgar, seier politisk rådgjevar i Fiskeridepartementet, Venke Nordeide.

Fiskeridepartementet går saman med Kommunal- og regionaldepartementet og Landbruksdepartementet om å finansiere eit to-årig forskingsprosjekt som skal prøve ut metodar for å få blåskjel giftfrie. Til saman vert det sett av to millionar kroner, og prosjektet skal drivast ved selskapet Fjordgarden i Sogn med støtte frå eit breidt forskarmiljø.

- Vi reknar med at prosjektet får stor overføringsverdi, slik at resultata kan komme alle blåskjeldyrkarar frå Trondheimsfjorden og sørover til nytte, seier Venke Nordeide.