Finansministeren møter sin svenske kollega tysdag 25. april

Finansminister Karl Eirik Schjøtt-Pedersen vil i morgon tysdag 25. april treffe den svenske finansministeren Bosse Ringholm. Dette er fyrste møtet mellom dei to ministrane. Møtet finn stad i det svenske finansdepartementet.

Schjøtt-Pedersen ynskjer mellom anna å bli orientert om utviklinga i svensk økonomi. Blant dei tema som vil bli tatt opp er endringar i den svenske avgiftspolitikken framover. Finansminister Schjøtt-Pedersen har tidlegare varsla at den norske regjeringa legg opp til endringar i dei norske avgiftene når budsjettet for 2001 vert lagt fram til hausten.