Offentleg utval skal greie ut om pensjonsordningar for kvinner og menn
Historisk arkiv
Publisert under: Regjeringen Stoltenberg I
Utgjevar: Finansdepartementet
95/2000
Pressemelding | Dato: 08.12.2000 | Sist oppdatert: 21.10.2006
Pressemelding
Nr.: 95/2000
Dato: 08.12.00
Kontaktperson: Anne-Sissel Skånvik, telefon 22 24 41 09/mobil
913 22 811
Offentleg utval skal greie ut om pensjonsordningar for kvinner og menn
Kongen i statsråd har i dag sett ned eit utval som skal greie ut spørsmål omkring kjønnsnøytrale premiar i pensjonsordningar.
Eit sentralt spørsmål knytt til livsforsikring er at kvinner og menn har ulik forventa levealder. Etter forsikringsverksemdlova skal det nyttast premiar som står i eit rimeleg forhold til den risiko som selskapet tar over, og i forhold til selskapet sin økonomi. I ytingsbaserte pensjonsordningar betaler derfor arbeidsgivar meir for kvinner enn for menn, fordi kvinner i gjennomsnitt lever lenger enn menn. Dette kjem likevel ikkje klart til syne, fordi innbetalingane ikkje er knytt direkte til den enkelte medlemmen, men foretaket betaler ein samla premie for hele ordninga.
I innskotspensjonar er innbetalingane knytt direkte til den enkelte medlemmen. Eventuelle forskjellar i innbetaling blir derfor synleggjort. I proposisjonen om lov om innskotspensjon går det fram at departementet vil ta initiativ til at spørsmål omkring kjønnsnøytrale premiar greiast ut på brei basis (jf. Ot.prp. nr. 71 (1999-2000)). Utvalet har følgjande samansetjing:
Skolesjef Mary Kvidal (leiar), Malvik
Seniorrådgivar Trond Brun–Gulbrandsen, Oslo
Fagsjef Jan R. Clausen, Bærum
Likestillingsombod Kristin Mile, Oslo
Avdelingsdirektør Ole Christian Moen, Oslo
Sekretær Per Gunnar Olsen, Oslo
Sjefaktuar Sissel Rødevand, Oslo
Generalsekretær Tove Storrødvann, Ski