Det samla overskotet i statsrekneskapen og Statens petroleumsfond blei i 1999 på 39,9 mrd. kroner, syner statsrekneskapen for 1999 som ble lagt fram i dag.

Dei samla inntektene i statsrekneskapen for 1999 var 499,6 mrd. kroner medan utgiftene var på 467,0 mrd. kroner.

Statsrekneskapen inneheld ein omtale av hovudtrekka i finanspolitikken for 1999, endringar frå budsjett til rekneskap, samt omtale av inntektene og utgiftene for nokre særskilde satsingsområde.

Med utgangspunkt i regnskap for 1998 vart den finanspolitiske innstramminga i 1999 på om lag 3/4 pst. av BNP for Fastlands-Noreg, målt ved endringa i det olje-, rente- og aktivitetskorrigerte budsjettunderskotet. Den reelle, underliggende utgiftsauken var i same periode på 2 pst.

Av tala går det mellom anna fram at utgiftene til Folketrygden auka kraftig frå 1998 til 1999. Dei samla utgiftene til sjukepengar frå Folketrygden var i 1999 nær 18,8 mrd. kroner, ei nominell auke på 13,4 prosent frå 1998 til 1999.

Statsrekneskapen syner også at kontantstøtta vart 169 mill. kroner dyrare enn budsjettert, medan dei samla utbetalingane til driftstilskot for barnehagar blei vel 253,8 mill. kroner lågare enn føresett.

Overførte løyvingar frå 1999 til 2000 vart på 7 mrd. kroner. Dei største overføringane er under Kommunal- og regionaldepartementet med 1,1 mrd. kroner, Kyrkje-, utdannings- og forskingsdepartementet med 0,8 mrd. kroner og under Sosial- og helsedepartementet med 0,7 mrd. kroner.

Meldinga inneheld og rekneskapstala for Statens petroleumsfond. Statens netto inntekter frå oljeverksemda blei i 1999 44,6 mrd. kroner, av disse blei 18,5 mrd. kroner ført tilbake til statskassa. Per 31.12.1999 var den bokførde verdien av fondet 220.8 mrd. kroner. Dette er ein auke på 56,2 mrd frå i fjor.

Hovudtal for statsrekneskapen 1999