Finland og Irland er to mindre økonomiar i randsona av EU som har hatt svært sterk vekst dei siste åra. Finansminister Karl Eirik Schjøtt-Pedersen besøker Helsinki fredag 26.januar for å studere årsakene til den sterke veksten i økonomien og produktiviteten i Finland. Særleg interessant i denne samanheng er den sterke satsinga innan IKT-sektoren. Han vil møte sin kollega Sauli Niinistö og ekspertar i departementa, i tillegg til forskingsmiljø. Det blir også tid til eit bedriftsbesøk til Nokia. Finansministeren tek sikte på eit besøk til Irland seinare i vinter.