Det er Justisdepartementet som arrangerer seminaret om Den rettsmedisinske kommisjon. Representantar frå kommisjonen, domstolane, påtalemakta og advokatane vil halde innlegg om sine erfaringar.

Den rettsmedisinske kommisjon skal kontrollere alle rettsmedisinske erklæringar i straffesaker, og skal dessutan rettleie mellom anna aktørane i retten og dei sakkunnige i rettsmedisinske spørsmål.

I dag handsamar kommisjonen om lag 4000 saker kvart år. Merksemda rundt arbeidet til kommisjonen har økt kraftig dei seinare åra. Rettsmedisinske spørsmål har vore sentrale i ei rekke kjende straffesaker dei siste åra, mellom anna i Liland-saka, Fasting-Torgersen-saka, Birgitte Tengs-saka og Bjarkøy-saka. I samband med saka i Baneheia har DNA-spor stått sentralt.

I seminaret vil rolla til Den rettsmedisinske kommisjonen bli debattert. Ein vil òg kome inn på organiseringa av kommisjonen i framtida.

Seminaret vil finne stad i auditorium 01, Akersgata 59 (regjeringskvartalet), frå klokka 10 til 16. Seminaret er ope for pressa og særskilt inviterte gjestar.