Det Norske Teatret får auka driftsløyving og midlar til teknisk utstyr

Kulturdepartementet gjer framlegg om å auke driftsløyvinga til Det Norske Teatret med 3,8 mill. kroner til 96 mill. kroner i 2001. Framlegget har som mål å styrkje drifta av institusjonen.

Departementet gjer også framlegg om at Det Norske Teatret får ei løyving på 5,5 mill. kroner til investeringar i teknisk utstyr. Det Norske Teatret har eit omfattande behov for investeringar i teknisk utstyr, mellom anna lys- og lydutstyret og styresystemet for maskineriet til scene og snorloft.